Manzi-a'n Chennai City chhuahsan

Chennai City striker Pedro Manzi chuan I League champion a chhuahsan a, Spanish striker hian Japan rama a khelh tur thu a tichiang. 

Season hmasaa Chennai-in I League nomawi an chawi nana tha thawhhlawk tak Manzi hi season ṭantir khan ISL club-in an sawm nual a, mahse South Indian club tan a rinawmna thu tiamin kum li chhung atan contract thar a ziak. 

Spanish striker hian season hmasa khan Chennai tan league-ah goal 21 khungin top scorer a ni a, tun season-ah erawh hliam vangin a inlan tam lo thung. 

Kum 31 mi striker hi a club khelhna tur puan zar ni lo mah se Japan rama league sang ber J1 League club Sagan Tosu a zawm dawn niin an sawi a, he club hi Liverpool striker hlui Fernando Torres-a'n a career tawp a hmanna kha a ni. Tun season-a league match nga an khelh aṭanga point nga chiah la nei Chennai City hian Pedro an hralhna zat chiah an puangzar lo a, "An ngamna zat hi hnar atan chuan a uiawm em a ni," tiin an sawi thung.