Zaninah Hammers vs Wolves

Premier League-ah zanin dar 12:30 hian West Ham United leh Wolverhampton Wanderers te an inkhel dawn. Hammers hi table-ah 18-naah an awm mek a, Wolves hi a mawngphaha awm an nih bawk avangin inkhel tur hi a pawimawh hle.

Wolves hian FA Cup-ah Liverpool hneh lo mah se Premier League match hnuhnung pahnihah Aston Villa leh Liverpool te an hneh thung a, champion tura rinkai Arsenal hian chelh thei an nih avangin Hammers tan fimkhur a ṭul ang.

Tla thei dinhmuna ding Hammers pawhin pahnihna dinhmun luahtu Manchester City an chelh thei a, FA Cup-ah Leeds United hneh lo mah se Premier League-ah erawh thi leh thau pawlha an ṭan dawn avangin an tawh a khirh dawn.

Wolves hian point 17 hmuin table mawngphahah awm mah se tun hnaia an chet ṭhat avangin Hammers an hneh thei a nih chuan Premier League-a inhamtan beiseina an la nei dawn. West Ham pawhin hnehna an chang a nih chuan relegation zone chhuahsanin Tottenham chungah an awm thei ang.