Zaninah Inter Village Kick Off

MBOCWWB 8th ADFA Inter Village Tournament 2026 chu zanin dar 8:00 hian Chanmari YMA Hall-ah kick off neih a ni dawn a, LESDE Department secretary Dr. Lalhriatzuali Ralte, IAS chu khuallian a ni ang. Kick off ṭan hma hian zan dar 7:00-ah manager meeting neih tur a ni a, zanin hian fixtures tlangzarh nghal tur a ni.

Tun ṭum inelnaah hian team 66 an tel dawn a, Aizawl district huam chhunga inkhelh thiam veng leh khua an inlan kim tho khat dawn. ADFA buatsaih inelna NECS Cup-a vawi thum champion tawh Ramhlun South, NECS Cup 2016 champion Bethlehem Vengthlang, 2017 champion Chhinga Veng, 2019 champion Armed Veng leh LPS Cup 2024 champion Sihphir Venghlun te inlan tur zingah an tel vek.

Heng team bakah CYMA Football hnuhnung ber champion Republic Veng bakah inkhelh thiam veng Armed Veng South, Bawngkawn, Durtlang, Lengpui, Electric Veng leh Dinthar ten inelna hmachhawn turin hming an pe lut a, ADFA buatsaih Inter Village hi nung ṭha leh viau tura ngaih a ni.