Watkins hoin Villa-in Bologna an hneh

Premier League club Aston Villa chu Premier League-ah tlahniam deuh mah se, Europa League-ah team hlauhawm ber pawl an ni a, Ningani zan khan khualmualah Bologna 3-1 in an hneh.

Villa tan Ezri Konsa-a'n goal khat khungin, Ollie Watkins-a'n goal hnih a khung bawk a, Bologna tan Jonathan Rowe-a goal khungin awmzia a nei thui lo a, second leg-ah erawh a pawimawh thei thung.

Unai Emery naute hi semifinal lut thei turin dinhmun ṭha takah an awm tawh a, Europa league-ah chiah nomawi an beisei thei tawh a, champion an duh a nih chuan an chetsual a thiang lo.