India aiawhtu Vanlalthlamuanpuii

World Junior Taekwondo Championship chu nimin khan Taskent, Uzbekistan-ah neih an a ni a, he inelnaah hian India aiawhin Zemabawk nula Vanlalthlamuanpuii (Nupuii)chuan Kyorugi Under 55 kg category-ah inelna a hmachhawn ang.

April 17, Zirtawpni thlenga neih tur inelnaah hian Nupuii hi Mizo tel awmchhun a ni a, he inelnaa India aiawh phak tur hian selection hautak zet a paltlang hmasa phawt a ni.

Nupuii hian February thla khan 2nd Federation Cup Championship hmachhawnin, gold medal a hlawh chhuak a, he tournament-a a chet hat avang hian final selection khel turin a tling.

March 13-14, 2026 khan Haryana-ah final selection hi hmachhawn lehin, a tumpui zawng zawng a hneh leh vek a, Kyorugi Under 55 kg category khel turin India squad-ah telh a ni ta a ni.

Nupuii hian vawiinah a match hmasa ber a khel ang a, round of 64 aangin inelna hi a hmachhawn ang - India team hi Kyourgi-ah mipa 10 leh hmeichhia 10 niin, Poomsae player pakua an tel bawk.