Mizoram hmeichhe team an champion

India hmarchhak state parukte inelna North East Cricket Development Council (NECDC) Women's Inter State Tournament 2026-ah Mizoram hmeichhe team chuan final-ah Nagaland run ruka hnehin an champion. Sikkim-a inelna neihah Mizoram champion puitu captain Lalhmangaihsangi (Mami) chu final-a player of the match-a thlan a nih bakah player of the tournament leh best batter-ah thlan a ni bawk.

NECDC buatsaih inelnaa hian tun hmain Mizoramin final an la lut ngai lo a, tun ṭumah erawh mipa leh hmeichhe team-in final an lut ve ve. Mipa inelna hi NECDC Inter State Friendship Cup Men's Under 19

tournament tih a ni a, April 7-11, 2026 chhung khan Dimapur, Nagaland-ah khelh niin Mizoram final-ah Manipur run 72-in an hneh lo. Mizoram hi final-ah chak lo mah se Mizo tlangval Henry Lallawmzuala chu best bowler-ah thlan a ni.