Premier League khel tur Lampard-a naute

EFL Championship-ah Premier League khel turin Frank Lampard-a kaihhruai Coventry City an inpettling tawh. Coventry hian match 42 aṭangin point 85 an hmu a, champion turin match hnihah point thum hmuh belh a la ngai thung.

Inrinni zan inkhelah Coventry hi an mualah Sheffield Wednesday-in goal awm loin an chelh a, champion turin an la nghah rih a ṭul dawn. Championship-ah pahnihna dinhmun luahtu Ipswich-in Norwich City 2-0 in an hneh a, nomawi an chawi pha lo a nih pawhin season thara Premier League an khelh phak ngei a beiseiawm ta hle.

Championship aṭangin Premier League khel turin a sang pahnih an tling a, pathumna aṭanga parukna ten playoff hmangin hmunruak pakhat an zawng ṭhin. Tun dinhmunah Millwall (73), Middlesbrough (72), Southampton (69) leh Hull City (68) te playoff khel thei dinhmunah an ding mek.