Ronaldo-a'n goal a khung

Saudi Pro League-ah Inrinni zan khan Al Nassr-in Al Akhdoud 2-0 in an hneh a, Cristiano Ronaldo leh Joao Felix ten goal an khung. Jorge Jesus-a hote hian match 28 aṭangin point 73 an hmu a, anmahni hnaih bertu Al Hilal aiin point ngain an hmu tam tawh zawk.

Portuguese forward Ronaldo-a'n goal 968 a khung tling tawh a, goal 1000 khung turin goal 32 chauh a mamawh tawh. Kum 41 mi Ronaldo hian tun season-ah Al Nassr tan goal 25 a khung tawh a, goal khung tam lamah Ivan Toney (goal 27) leh Julián Quiñones (goal 26) te chauh a pha lo.