Forest = tla mai thei; Villa = UCL (?)

Pathianni zan Premier League inkhelah Champions League khelh tum Aston Villa chuan 1-1 in tlak hlau Nottingham Forest an inhnehtawkpui a, team pahnihten point khat an insem.

City Ground-a inkhelah mikhual team Villa-in minute 23-naah goal an khung hmasa zawk a, Morgan Rogers-a cross chu Forest defender Murillo-a'n an lamah a tilut palh.

Forest-in minute 38-naah chhanglet nghalin, Ola Aina cross aṭanga kal zel chu Neco Williams-a'n tawih takin a pet lut a, si phurh a sut - hun tawp thlengin goal dang a lut tawh lo.

Forest hi an chak zawh loh avangin relegation zone-a awm Tottenham Hotspur aiin point thum chauhin an him. Villa pawhin Manchester United lehpelh theihna hun ṭha an bawhpelh a, United (point 55) nen an point hmuh zat a inang a, palinaah an awm chhunzawm. Nizana United inkhel result a zirin an inthlauhna a la danglam thei thung.

Villa leh Forest te hi Europa League-ah an la dam ve ve a, Villa tan league-a top five chin nih emaw Europa League champion emawin Champions League a la khelh phak theih.

Hetihlai hian Forest erawh tla thei dinhmunah an ding a, Premier League-ah inhamtan an tum chuan Europa League lama chet ṭhat chauh a tawk lo.