Mizo cricketer ṭhate chawimawina hun hmang

Cricket Asociation of Mizoram chuan 2025 - 2026 season chhunga player ṭha lawmman semna hun 3rd CAM Awards chu April 14, Thawhlehni zan khan YRC Convention Centre, Falkland-ah neih a ni.

Men's cricketer of the year atan Ramhlun Venglai tlangval Joseph Lalthankhuma thlan a ni a, New Chalrang nula Jacinta Lalṭanpuii hnenah Women's cricketer of the year chawimawina pek a ni thung.

North East Cricket Development Council (NECDC) buatsaih inelna buatsaih NECDC U23 Women Inter State Tournament 2026-ah Mizoram hmeichhe team an champion a, tun season-ah Mizoram hmeichhe team hi Women's U23 One Day Trophy 2026 (Plate Group)-ah an champion bawk. Thawhlehni tlai khan CAM-in YRC-ah hian champion lawmna hun an buatsaih bawk.