Real Madrid-ah Kroos kir dawn?

Real Madrid chuan an midfielder hlui Toni Kroos chu hruai kir leh an tum a, mahse khelmual chhunga inkhel tur ni loin, 'directorial role' hna a thawk turin an duh.

Kroos hi Real-a kum 10 a awm chhungin, vawi 465 inlanin assist 99 leh goal 28 a nei hman a, inkhelh a chawlhsanna club-ah ngei hian season thara kir leh turin a inruahman mek. Real-a a awm chhung khan, Kroos hian UEFA Champions League vawi nga a chawi a, La Liga title vawi li a chawi bawk a, 'club legend' a ni.

Kum 2024 khan Kroos hian Real Madrid leh professional football a lo thlah liam tawh a, mahse he kum 36 mi hian Madrid khawpuiah hian ama 'football academy' a enkawl zui reng avangin mi hriat a la hlawh hle a ni.

Spanish chanchinbu ṭhenkhatin an tarlan danin, Real Madrid hotu liante nen an inzawmna a la ṭha hle a, an chairman Florentino Pérez-a chu Kroos hi hruai kir leh tura hma la hmasa bertu a ni.

German midfielder hlui Kroos hi inkhel tawh lo mah se, a thiamna leh football-a mi pangngai chung lam a nihna leh club chhung a hriat chianna chu Los Blancos hian an chhawr ṭangkai theih an beisei a ni.