Vawiin aṭangin MiMSA Racing C'ship

33rd MiMSA Racing Championship 2026 chu vawiin aṭangin Tuirial Airfield-ah ṭan a ni dawn a, inelna hi ni hnih awh tur a ni. Championship-ah hian team 18 aṭangin rider hrang hrangten chak ber nih tumin an inel dawn a ni.

He Championship-ah hian 2wheel Circuit race leh 2wheel drag race-ah te inelna neih a ni ang a, ṭum dang neih ṭhin 4wheel drag race leh motocross neih ṭhin chu remchan zawkna avangin Motocross leh Autocross neih hunah neih a ni zawk ang.

MiMSA Racing Champion-ship-ah hian team hrang hrang 18 aṭangin entry 130 a lut a, he inelna hi Reliance General Insurance tih ṭhin 'Indusind General Insurance' leh LBS Suzuki ten an sponsor a, inelna hi a duh apiang tan a chhim theih a ni a, final day bikah en man hi Rs 20 a ni ang.