Chak lo mah se Palace an tlang

Ningani zan Conference League quarterfinal khelhah Crystal Palace chuan 2-1 in Fiorentina hneh lo mah se, first leg-ah 3-0 an an chak avangin aggregate-ah 4-2 in an chak a, semifinal an inpetkai.

Artemio Franchi Stadium, Florence-a inkhelah mikhual team tan Ismaila Sarr-a'n chiang taka tauh lutin, Palace-in goal an khung hmasa zawk a, mahse mualneituin Albert Gudmundsson-a penalty leh Cher Ndour-a te goal hmangin 2-1 in hnehna an chang a, semifinal luh nan erawh a tawk zo lo thung.

Oliver Glasner-a naute hian May 7-ah semifinal an khel leh dawn a, Ukrainian club Shakhtar Donetsk nen an inhmachhawn dawn. Eagles tan tun season-ah Conference League-ah chauh nomawi a beisei ngam tawh a, Premier League table-ah 13-na an nih avangin season thara Europe-a inlan an duh a nih chuan Conference League-ah an champion a ngai a ni.