Indian Football League kalphung

India rama inelna sang ber dawttu Indian Football League hi stage hniha ṭhen a ni a, stage khatna hi league round niin, nimin khan khelh zawh a ni. Stage 2 hi championship stage leh relegation stage-ah ṭhen a ni a, April thla hian chhunzawm lehnghal a ni ang.

IFL-ah hian team 10 an tel a, vawi khat ṭheuh an inkhelh kual hnuah a sang parukin championship stage an khel dawn a, a hnuai lam paliin relegation stage an khel ang. Stage 2-ah hian team tin hian league round-a an point hmuh an keng tlang dawn.

Relegation stage bik hi chu hmun khatah khelh tur a ni a, championship stage hi chu home & away a khelh chhunzawm tur a ni. Team ruk an awm dawn avangin match nga a awm dawn a, pakhatna aṭanga pathumnain an mualah match thum an khel ang a, khualmualah match hih an khel ang. A hnuai lam team pathumin an mualah match hnih an khel ang a, khualmualah match thum an khel thung ang.