Inter Village a hmuhnawm

MBOCWWB 8th Inter Village Football Tournament 2026-ah team intum tawk lo deuh chu awm mah se inkhel hmuhnawm thlir tur a awm chho zel. BR Studio YouTube channel aṭangin RG Stadium-a inkhel a en theih.

Inrinni khan CYMA Football champion Republic Veng chuan first round-a Sihphir 7-1 a hnehtu Sihhmui chu 7-0 in an sawp a, Kulikawnin Bungkawn 4-0 in an sawp ve bawk. Zotlangin an ṭhenawm Vaivakawn 3-2 in an hneh a, hun tawp lamah Vaivakawn che ṭha mah se inkhel bul an ṭan ṭhat loh an tuar.

Vawiina inkhel tur zingah veng leh veng inelnaa sulhnu nei ṭha Armed Veng an tel a, Melthum an hmachhawn dawn. Chawnpui leh Zemabawk, Chanmari West leh Tlungvel bakah Dinthar leh Durtlang Leitan te inkhelah chak zawk tur hriatthiam a har hle.