8th Inter School & Open Swimming C'ship a ṭiak

Aquatics Association of Mizoram buatsaih 8th Mizoram Inter School & Open Swimming Championship vawi riatna chu Aquatic Complex, ITI Veng-ah April 17-18, 2026 khan hlawhtling taka a neih a ni. Inelnaah hian Mizoram record thar a awm a, 100m freestyle mipa inelnaah Mavericks Swim Club swimmer Lalrindika chu 1 min 4.93 Secs-a thlengin record a siam.

Inelna hi open category chhiar telin group pangaah ṭhen a ni a, senior category-ah Sairang Hr Sec School overall champion an ni a. Junior (group 2) leh sub junior (group 3) ah La Montessori overall champion an ni ve ve a, sub junior (group 4)-ah overall champion chu St Andrew's School an ni bawk.

Category hrang hrangah hian event awm zat a inang lo a, a ṭhenah event pakhat chauh awmin a ṭhenah paruka awm thung. Event hi freestyle (50m&100m), breaststroke (50m&100m), butterfly (50m&100m) leh backstroke (50m&100m) te a ni hlawm.