Spurs tan tlak a hnai zel

Roberto de Zerbi hnuaiah Tottenham Hotspur an la chak thei lo - Italian coach hnuaiah match hnih khel tawhin, point khat chiah an la hlawh chhuak.

Spurs hian Inrinni zan khan Brighton & Hove Albion an mikhual a, 2-2 in an inhnehtawk. Spurs tan Pedro Porro chuan goal hmahruai khungin, first half hun pek belhah Kaoru Mitoma chuan Brighton tan si phurh a sut zui.

Spurs tan Xavi Simons chuan hun tawp nan minute 13 chauh a awm tawh tihah a khung ve leh a, an chak mai dawn niin a lang hman. Mahse, hun pek belh minute nganaah Georginio Rutter chuan Brighton tan si phurh a sut leh a, Spurs beiseina a thamral.

London club an chak zawh loh avangin relegation zone-ah an awm chhunzawm a, an chung chiaha awm West Ham chu point khatin an la phak lo - Hammers hian zanin dar 12:30-ah Crystal Palace an lenchilh dawn a, an chak chuan Spurs an hlat leh sawt ang.