Dortmund-in Bayern champion kawng hawnsak

Inrinni zan Bundesliga inkhelah Borussia Dortmund chuan, an mikhualkna ramah 2-1 in Hoffenheim an hneh lo a, match khata khel tam zawk chungin, hmahruaitu Bayern Munich chu point 12-in an pha tawh lo.

Bayern-in point an hlawhchhuak a nih chuan an champion tawh dawn. Nizan khan Bayern hian Stuttgart an mikhual a, an result kan hre hman lo.

Hoffenheim tan minute 42-naah Andrej Kramaric-a shot chu Dortmund defender Sule-a'n a kuta a lo khawih avangin referee-in penalty a pe a, Croation forward Kramaric-a'n ama penalty hlawhchhuah chu khungin a team hma a hruaipui.

Dortmund tan minute 87-naah an hmatawng chhuanvawr Serhou Guirassy-a'n si phurh a sut a, Guirassy tan tun season Bundesliga-a a goal 14-na chiah a ni.

Mahse, Dortmund an lawm rei lo, hun a tawp nan minute khat pawh awm tling tawh loah penalty an chawi nawn. Hoffenheim midfielder Alexander Prass-a ball vawrh chu Julian Ryerson-a'n kutin a lo khawih per hman. Mualneitu tan Kramaric bawkin pet goal lehin Hoffenheim an chak.

Tun season-ah Dortmund tan nomawi beiseina a bo tawhah a ngaih theih a, Niko Kovac-a naute hi inelna hrang hranga an tlak tawh bakah, league-ah an hmelma Bayern an champion a rinawm tawh a, tun season-ah an nil dawn.