India hmeichhe team chak

Nakkuma India-in a thlen tur FIFA Under-17 Women's World Cup atana inbuatsaihna U17 Women's Football Tournament-ah India hmeichhe U17 team chuan final an lut a, Thawhlehni khan Thailand chu 1-0 in an hneh. 

Mumbai Football Arena-a neih inelnaah hian India U17 hmeichhe team hi Thailand leh Sweden te nen an inkhel kual a, a tawpah a sang pahnihin final hi khelh tur a ni. India hian an match hmasa berah Sweden chu 3-0 ngawtin an ngam lo a, mahse Thailand lakah Thounaojam Kritina chuan hun pek belhah goal khungin India hi final a hruai thleng. 

Vawiin tlai dar 5:30-ah India leh Sweden hian final an khel dawn a, Indian Football Team facebook page-ah live-in pekchhuah a ni ang.