Mohun Bagan President a thi

I League club hlun Mohun Bagan president Gitanath Ganguly chu Thawhlehni khan a thi a, dan hremi a nihna avang pawha hriat hlawh tak Ganguly hi kum 83 mi a ni. 

Ganguly hi tun thlatir khan a motor chhunga a chuang lai chu a hnunglam aṭangin car dangin an su a, a keah hliam tuarin zai a ngaih phah. Mahse, he accident a tawh hnuah hian ngai a awh leh tawh lo a, Thawhlehni zing khan a awmah na neiin a thi.

Hetihlai hian Indian football-a hriat hlawh tak Pannalal Chatterjee chu Thawhlehni zing khan a thi bawk a, kum 86 mi Bagan leh Brazil fan ruhkawl hian Spain 1982 World Cup aṭang khan a nupui nen World Cup 10 zet chu a hmunah an en tawh a, FIFA pawhin an ngaihlu hle.