Nadal bul ṭanna tur chu Abu Dhabi

Tennis season a zo tawh a, season thar a hnai leh tawh hle. December 19-21 chhunga khelh tur 2019 Mubadala World Tennis Championship (MWTC)-ah Rafael Nadal a inlan dawn - world number 1 tan season khuhhawnna pakhat a ni ang.

Abu Dhabi-a inelna hi ATP hnuaia tournament pawimawh a ni lo. Mahse, January thla mai hian Grand Slam hmasa ber Australian Open khelh a ni leh nghal dawn a, player tam takin inbuatsaih nan an duh a ni. Grand Slam vawi 19 champion tawh Nadal chuan, "He hmunah hian tun hmain hun nuam leh hlimawm ka lo tawng tawh ṭhin, kuminah pawh khatiang boruak kha ka beisei nawn leh. Tun inelna hi ATP Cup atana inbuatsaihna a ni nghal ang," tiin a sawi.

Tournament-ah hian Nadal bakah player langsar inlan an tam dawn. World number 2 Novak Djokovic, US Open finalist Daniil Medvedev, ATP Finals champion Stefanos Tsitsipas, Gael Monfils leh South Korea tlangval Hyeon Chung te pawh an inlan ang.