Armed Veng South champion beiseina thamral

MBOCWWB 8th Inter Village Football Tournament 2026-ah football thiam veng Armed Veng South champion beiseina a tawp. AVS hi team ṭha ni mah se hrem an tawh avangin inelna hnuhnung lamah an inlan thei lo a, seeded an nih phak loh avangin round of 32-ah CYMA Football champion lai Republic Veng an hmachhawn a ṭul phah. Hun pangngaiah goal a lut lo a, penalty shootout-ah AVS 5-3 in an vanduai.

Durtlang Playground-ah Armed Veng South leh Republic Veng ten team ṭha an ni tih an pholang a, chutihrualin an tlarhma erawh a bil ve ve. Goal chance insiam an harsat a, goal hmaah an hriam tawk lo a, hun pangngaiah goal a luh miau loh avagnin penalty shootout hmanga chak zawk zawn a ngai a, coach ṭha Lalsangzuala Hmar enkawl Republic Veng an vannei ta zawk.

Nimin inkhel dangah team ṭha Lengpui leh Chhinga Veng ten chak turin harsatna an tawk lo a, Tlangnuam pawhin Maubawk 6-0 in an sawp. Muthi lakah College Vengin goal khung hmasa mah se 3-1 in an chak lo a, an veng ṭhenawm Venghlui erawhin Zotlang lakah hnehna an chang thung.