World Cup-a Mexico coach tur Marquez

Barcelona legend Rafael Marquez chuan kumin World Cup zawhah, Javier Aguirre thlakin an ram Mexico a enkawl dawn. Mexico thuneitute chuan an head coach chhuak ta Aguirre chu a contract pawhsei aiin Marquez chungah rinna an nghat ta zawk.

Kum 47 mi Marquez hi Barca bakah Mexico tan legend a ni a, macth 147 lai ram tan khel hmanin, World Cup 2002 leh 2018 inkara World Cup-ah Mexico tan captain a ni a, July 2018 khan Serie A club Hellas Verona-ah inkhelh a chawlhsan.

Marquez hian coaching lamah tawnhriat a la ngah lo a, 2022 leh 2024 inkar khan Barcelona B team tan head coach a lo ni tawh a, hemi hnu hian Aguirre-a hnuaiah an ram team tan Assistant Coach niin tun thlengin he hna hi a chelh.

Coach chhuak tur Aguirre chuan Marquez chu team kaihhruai thiam tak a ni a, theihtawp chhuah a duh ṭhinna chuan team tan hmasawnna a thlen ngei ang tih a sawi.

Mexico hian kumin World Cup hi USA leh Canada te nen an thleng dawn a, Mexico bik hian match 13 an thleng dawn a, heng zingah hian Mexico group stage match thumte leh knockout round match thum a tel dawn.