NorthEast-ah Goa an leng dawn

Indian Super League pawh khelh chhunzawm zel a ni a, zanin dar 5:00 hian NorthEast United chuan FC Goa an mikhual dawn - Highlander tan champion beisei chi a ni tawh lo a, Goa tan erawh beiseina sang tak a la awm thung.

Lalrinzuala'n Highlander match hnuhnung berah tun season-a a vawi khat nan bul a ṭan a, ani bakah hian Labiakdika leh Fredy Chawngthansanga te chu NorthEast United-a Mizo awm an ni.

Goa tan Ayush Chhetri chuan hmun pawimawh a chang ṭhin a, Daniel Lalhlimpuia pawh hmuh tur a awm fo - Goan club han Jerry Lalrinzuala leh Malsawmtluanga an kawl bawk.

Manolo Marquez enkawl team hian league match li a zawna an chak zawh loh hnuah, match hnih a zawnin an chak leh tawh a, champion beiseina an nei thar - match kua ve ve khelh tawhah point li chiahin hmahruaitu Mohun Bagan an phak lo mek.