World Cup-ah Estevao inlan lo mai thei

Chelsea winger Estevao Willian chu World Cup-a inlan lo thei dinhmunah a ding mek. Kum 18 mi forward hi Manchester United laka 1-0 a an tlawm ṭum khan malpui hliam vangin lakchhuah a ni a, season tawp thleng a inlan thei tawh dawn lo.

Estevao lam hnaite chuan Brazilian forward hi Chelsea tan tun season-ah inlan tawh dawn lo mah se, World Cup-ah a dam hman tur thu an sawi a, hetihrual hian player fitness chiang lo hi Carlo Ancelotti-a'n a hruai kher duh ang em, tih chu zawhna a ni.

Brazil tan vawi 11 inlana goal nga khungtu Estevao hian tun season-ah Blues tan match 36 khelin goal riat a khung tawh a, assist vawi li a nei tel.