Leeds-in point 40 an hmu ta

Premier League-ah hian point 40 hmu chin hi him anga ngaih a ni a, Leeds United-in Thawhlehni zan khan Bournemouth chelhin point 40 an hmu tling chiah. Mahse, chhiarkawp dan aṭanga thlir chuan Leeds hi an la him lo thung.

First half-ah goal hmuh tur a awm lo a, minute 60-naah tun hnaia che ṭha Eli Junior Kroupi-a'n Cherries tan goal hmahruai a khung. Leeds lamin siphurh sut tumin an nawr a, Noah Okafor-a'n goal ban a pet per mah se mualneitu an a vannei ta tho. Cherries defender James Hill-a'n minute 68-naah an lamah a tilut.

Bournemouth lamin minute 86-naah Rayan hmangin hma an hruai nawn a, mah se injury time-ah Evanilson-a'n goal thumna khungah inngai mah se offside vangin pawm a ni lo. A tawpah Leeds an vannei a, Sean Longstaff-a'n hun pek belhah pawh minute sarihnaah siphurh sutna goal a volley lut.