French Cup final-ah Lens leh Nice

French club hlun Nice chuan Nilaini zan khan 2-0 in Strasbourg an hneh a, RC Lens hnungzuiin French cup final an lut. Nice goal hnih hi Elye Wahi khung ve ve a ni.

Tun season-ah Nice an che ṭha tawk lo a, nikum November khan fans lungawiloin team bus an bei a, inbeihna thlengah Jeremie Boga leh Terem Moffi te chu a tuar zing a mi an ni a, player pahnihte hi loan-in January-ah an chhuak nghal.

League-ah nice hi 15-naah an awm a, tla thei dinhmunah an ding mek. French Cup chauh hi nomawi beisei tur an neih tawh avangin thi leh thau pawlhin champion an tum dawn.

Hetihlai hian Lens erawh besei phakin an che ṭha a, match nga khelh tur la awmah hmahruaitu, Paris Saint Germain chu point li chiahin an pha lo. Nomawi pahnih an beisei avangin hloh an duh dawn lo. May 23-ah nomawi inchuhin team pahnihte hi an inhmachhawn ang.