MFA-in hmeichhe football inelna buatsaih

Mizoram Football Association nimin khan Starlight Program hnuaiah One Day Girls Football Tournament hlawhtling takin an buatsaih. High school inelnaah Mizo High School an champion a, middle school inelnaah Maubawk Middle School an champion thung.

MFA sr vice president PC Vanlalhruaia chuan, "Mizoram a hmeichhe football chawilar leh hmasawnna turin MFA chuan hma a la chho zel a. Starlight Program hnuaiah school 11 te nen thawk hoin hun bi neiin football training kan nei ṭhin," tiin a sawi a, hmeichhe tan football-ah eizawnna a awm thu a sawi bawk.

Starlight Program hi Women & Child Development, Mizoram State Sports Council leh MSACS te sponsor a ni a, MFA lam hian hemi program enkawl tur hian licensed coach pali chhawrin hmeichhe naupangte hi hun bi neiin football training an pe ṭhin a ni.