Spurs-in Psychologist an ruai

Premier League aṭanga tla thei dinhmuna ding mek Tottenham Hotspur chuan, an player-te rilru hnual lutuk thing harh a, beiseina thar siamsak turin Psychologist thar an ruai.

Spurs hian ni thum liam ta khan 'linkedin' lamah Psychologist an mamawh thu hi an tarlang a, he thu buatsaih a nih lai hian tu nge an lak erawh puanzar a la awm lo thung.

Tottenham hi Premier League table-ah 18-na ni mekin, tla thei dinhmunah an ding mek a, point hnihin a him china awm West Ham chu an phak lo mek - coach thar Roberto De Zerbi hoin inhamtan ngei an tum a, mahse, Italian coach hnuaia league match hnih an khelhah point khat chiah an hmu.

Spurs hian zanin dar 7:30 hian Wolverhampton Wanderers chu khualmualah an hmachhawn dawn a, league match nga chiah khelh tur an neih tawh avangin an dinhmun a him lo hle.