Howe leh Magpies neitute inbe dawn

Newcastle United head coach, tun hnaia club result chhiat vanga hma hun chiang lo anga sawi Eddie Howe chu karlehah hian Magpies neitute nen an inbe dawn a, hei hi tun hnai boruak vang erawh ni loin, Newcastle tihdan phung sa a ni.

Howe chuan, "Hei hi chu club kalphung sa a ni a, kan tan buaina tur a awm lem lo. Club neitute nena direct-a inbiakna hun a awm hi ṭha ka ti a, ka thil hmuh dan leh thlir dante sawina hun ka neih phah a ni.

"Sawi tawh angin club neitute nena inkawmna hi kan nei fo a, kar thar lo awm tur pawh ka nghakhlel hle," a ti - Howe hi chhuak tur anga sawi awm mah se, season thar atana Magpies inbuatsaihna sawi honaah chuan a la tel zel a, transfer mai bakah pre-season ruahmanna sawi honaah a la tel vek.

Magpies hi club chairman Yasir Al-Rumayyan leh Saudi Arabia Public Investment Fund (PIF) te chuan kar tharah hian an tlawh dawn a, hetah hian Howe-te nen hian an indawr ang.

Newcastle player langsar zingah Anthony Gordon, Tino Livramento leh Sandro Tonali te chu hma hun chiang lo an ni a, an league match hnuhnung 11-a vawi riat tlawm Magpies tan nipui transfer 'hot' tak a ni dawn.