Kerala-in Odisha an hneh

Ashley Westwood-a kaihhruaina hnuaiah Kerala Blasters-in result ṭha an neih chhunzawm zel a, Ningani zan khan an mikhual Odisha chu 2-1 in an hneh - Blasters hian Westwood-a hnuaiah league match nga khel tawhin, vawi thum an chak a, vawi khat tlawm leh vawi khat draw an nei.

Blasters hian Víctor Bertomeu hmangin goal hmahruai khung mah se, Odisha tan Rahim Ali chuan si phurh a sut - team pahnih hi an inhnehtawk mai dawn niin a lang tawh a, mahse, hun pek belhah Blasters tan Matías Hernández chuan chakna goal a khung.

Odisha tan Isak Vanlalruatfela leh K. Lalṭhathanga te che vel chu hmuhnawm a tling a, mahse, player pahnihin an team an chakpui thei lo - Odisha tan hian K. Lalrinfela leh Vanlalzuidika Chhakchhuak ten inkhel bul an ṭan bawk.

Blasters tan season ṭantirah Freddy Lallawmawma'n hmun chang phak lo mah se, Westwood-a hnuaiah erawh hmun pawimawh a chang a, English coach an rawih hmaa league match ruka chak nei miah lo Blasters hi match thum an chak tling ve ta!