PSG tan fimkhur a ngai

French club lian Paris Saint Germain chuan zanin dar 10:30-ah Angers nen an inkhel dawn a, PSG hi anmahni hnaih bertu RC Lens nen khelh inangah point li chauhin an sang zawk a, match nga khelh tur an la neih avangin champion zawk tur a la chiang lo.

Tun season-ah PSG an che chhe lo a, champion tur pawha rinkai an ni. Mahse PSG-in tawlhthluk an ching a, Lens-in an hmahruaina aṭangin an pawtthla zeuh zeuh. Zaninah pawh PSG hi khualmuala khel tur an ni a, Lens result hre saa khel tur an nih avangin, champion an duh a nih chuan chetsual a chi tawh loh ang

Luis Enrique naute hian kar leh lawkah German club lian, Bayern Munich chu Champions League semifinal-ah an hmachhawn dawn a, league lamah chak mamawh viau mah se player ṭhenkhat hahdamna hun an pek a rinawm.

PSG hian Lens nen Ligue 1 nomawi an la inchuh dawn a, UCL leh league title an la beisei avangin Bayern aiin an vanduaiah a ngah theih. PSG tan Portuguese duo Nuno Mendes leh Vitinha bakah, Quentin Ndjantou Mbitcha te chu hliam tenau an neih avangin an dinhmun a chiang lo a, player dang an dam kim thung.