Pahnihnaah Cremonese sawptu Napoli

Zirtawpni zan Serie A inkhelh Napoli chuan 4-0 in Cremonese an sawp a, table-ah pahnihnaah chhoin Inter Milan chiah an tluk lo.

Stadio Diego Armando Maradona-a inkhelah Napoli tan, Scott McTominay-a'n minute thumna lekah an hmahruaina goal a khung a, minute 45-naah Rasmus Hojlund-a'n an goal hnihna khungin, an hmahruaina a belhchhah.

Manchester City midfielder hlui Kevin De Bruyne-a'n first half hun pek belhah an goal thumna a khung a, minute 52-naah Alisson Santos-a'n an chak nemnghehna goal a khung a, nuamsa takin Napoli an chak.

Napoli hi tun season-ah hliamin a tlakbuak avangin an che ṭha tawk lo a, hmahruaitu Inter pawhthlak theih dan la nei mah se, an champion a rinawm tawh loh zawk. Antonio Conte naute hi pahnihnaah awm mah se, nizan AC Milan inkhel result a zirin an dinhmun a danglam leh thei bawk.