PSG-in hma an hruai zel

Luis Enrique enkawl Paris Saint Germain chuan, Inrinni zan khan 3-0 in Angers an hneh a, Ligue 1 table-ah hma an hruai chhunzawm zel.

Stade Raymond Kopa-a inkhelah PSG tan Lee Kang-in, Senny Mayulu leh Lucas Beraldo ten goal khat ṭheuh an khung a, Anger-in chhanletna tur an nei lo. Goncaolo Ramos-a'n minute 74-naah red card hmu mah se, Paris club tan buaina a tling lo.

PSG tan an player pawimawh Khvicha Kvaratskhelia, Ousmane Dembele leh Desire Doue te chu luhtir an ni lo a, coach Enrique-a'n Bayern laka chhawr a duh avangin hahdamna hun a peah a ngaih theih.

Hetihlai hian hliam vangin Vitinha a la inkhel thei lo a, a hnampui Nuno Mendes erawh damkawr ni mah se second half-ah bench aṭanga luhtir a ni thung.