MRA hruaitu hlui Sanga a thi

Mizoram Rifle Association bul ṭantu zinga mi Ramnunsanga (Sanga) chu a hnathawhna Phaisen, Kolasib-ah April 25, Inrinni zing khan a thi a, chawhnu lamah Phaisen-ah vui nghal a ni.

Sanga hi shooting infiamnaa sulsutu hmasa a ni a, Mizo zinga national shooter hmasa ber a nih bakah midangte tana a thiamna hlanchhawngtu a ni. Mizoram Sport Council hnuaiah shooting sport tan instructor/trainer hna a chelh tawh a, a kaihhruaina hnuaiah shooter ṭha tak tak, National competition-a tel pha bakah India team-a trial phate pawh an awm.

Aizawl District Rifle Association-ah hruaitu hmasa a ni a, secretary leh asst secretary hna te a chelh tawh a. Mizoram Rifle Association-ah Joint Secretary hna te a chelh reng tawh a, a hun tam zawk hi shooting sport tan a hmangral a, a hnathawh hi a hlu hle.