Vawiinah Tlangnuam Vs Lengpui

MBOCWWB 8th Inter Village Football Tournament 2026 round of 32-ah vawiin chawhnu dar 2:00 hian Tlangnuam leh Lengpui te an inkhel dawn a, inkhel en châkawm bik a ni.

Tlangnuam hi kum 2023 khan CYMA Football-ah final an lut a, inrintawkna an ngah phah. Lengpui hi 2006 CYMA Football-ah an champion thung a, hemi hnu hian inelna apiangah team ṭha pawl an ni zel. Chhun dar 11:45-ah Chhinga Veng leh Muthi an inkhel dawn a, chak tur hriatthiam a har hle.

Nimin lamah team langsar Dinthar, Sihphir Venghlun leh Armed Veng te an chak a, Chawnpui pawhin Tlungvel an sawp. Darlawngin Bethlehem an pet chhuak a, Kulikawnin Kanan lakah hnehna an chang bawk.