Dempo-in Shillong an chelh

Indian Football League-ah Pathianni zan khan Shillong Lajong-in Dempo SC an mikhual a, 0-0 in an inhnehtawk. Lajong hian champion beiseina an la neih avangin Goan club hi na takin an nawr a, goal chance pawh ṭhahnem tak insiam mah se an vanneih zan a ni lo. Point khatah an lungawi a ṭul.

Lajong hian May 2, Inrinni zan dar 6:30-ah Chanmari FC an mikhual dawn. Shillong club hian stage 1-ah Mizo club pahnih Chanmari FC leh Aizawl FC te an hneh ve ve. Dipankur Sharma kaihhruai Chanmariin Aizawl FC mualphona hmun Shillong-ah phuba lak an tum ang.