Mizoram U20 team-in Chattisgarh an pan

Swami Vivekananda U-20 National Football Championship 2026 khel turin nimin zing khan Sairang ṭangin inelna neihna Nayaranpur, Chattisgarh an pan. Mizoram hi group G-ah Arunachal Pradesh, Madhya Pradesh leh Uttar Pradesh te nen an awm ho a; May 3, Pathianni hian Arunachal Pradesh nen match hmasa ber an khel ang.

Mizoram team hi nikum inelnaa final thlenpuitu coach H. Lalrindika'n a kaihruai a, Saitual tlangval F. Vanlaltleipuia (manager) leh Champhai Zotlang tlangval C. Lalnunmawia (asst coach) te nen champion ngei tumin inbuatsaihna an nei ṭha hle.