Villarreal tan Champions League a hnai

Spanish club hlun Villarreral chuan, season thara Champions League khelh an beiseina an chhi nung zel a, Pathianni zan khan 2-1 Celta Vigo hnehin pathumnaah an awm chhunzawm zel.

Inkhel ṭan aṭanga second 20-na lekah, Alberto Moleiro chu Yoel Lago-a'n a box chhungah a titlu a, minute hnih dawn VAR ennawn a nih hnuah referee-in penalty a pe.

Villarreal tan Spanish forward Gerard Moreno pen chhuakin, Moreno-a'n goal-a chantir turin harsatna a nei lo a, an hmahruaina goal a khung.

Arsenal forward hlui Nicolas Pepe-a'n minute 30-naah, mawi taka pet kual lutin, an hmahruaina a belhchhah a, 2-0 a hmahruai chungin chawlklawk an hmang.

Mikhual team Celta Vigo-in chance an hlah hnem a, minute 73-naah Borja Iglesias-a'n penalty aṭangin an si phurh su ṭhen mah se, scoreline timawitu chauh a ni a, harsa lutuk loin Villarreal an chak.

Villarreal hian point 65 hmuin an hnuai chiaha awm, Atletico Madrid aiin point ngain an sang zawk. Match nga khelh tur la awmah, Villarreal hi pangana Real Betis aiin point 15-in an sang tawh zawk.

Betis tan Villarreal pawtthla turin goal difference ṭha tak an mamawh dawn a, Villarreal tan Champions League a chiangah a ngaih theih tawh.