Europe-a inlan tum Marseille chesual

Olympique Marseille chuan Pathianni zan khan 1-1 in Nice an inhnehtawkpui a, Rennes-in Nantes 2-1 a an hneh avangin paruknaah an tla a, season tharah Europe inelnaa pha lo dinhmunah an ding.

Stade Vélodrome, Marseille-a inkhelah mualneituin ball chang hnem zawk mah se goal hmaah an hriam tawk lo a, first half-ah chance vawi tam an hlah.

Mahse, Marseille an vanduai reng lo a, minute 66-naah Tottenham Hotspur midfielder hlui Pierre Emile Hojbjerg-a'n an hmahruaina goal a tauh lut.

Danish midfielder Hojbjerg-a goal hi an chakpui dawnin lang hman mah se, Nice-in an beidawn duh loh rah an hmu a, minute 85-naah penalty an hmu hlauh. Elye Wahi-a'n pet goal-in hun a tawp zui a, team pahinihten point an insem.

Marseille hi tun hnaiah an che ṭha tawk lo a, an match hnuhnung pangaah vawi khat chiah an chak. Ligue 1-ah match thum chiah khelh tur an nei tawh a, an chak vek a nih loh chuan Europa-a inlan turin midang result-ah an innghah a ṭul tawh dawn.