El Clasico-ah Mbappe inlan lo mai thei

Real Madrid forward Kylian Mbappe chu a inhliam avangin, May 11-a El Clasico atan a dinhmun a chiang lo a, French forward hian an hmelma Barcelona a hmachhawn lo mai thei.

Mbappe hi Zirtawpni zana Real Betis nen an inhnehtawk ṭum khan, minute 81-naah a kaihzaah hliam a tawrh avangin lakchhuah a ni a, World Cup atan dinhmun derthawnawmah awm hman mah se, endik a nih hnuah a hliam hi a na lutuk lo a, mahse El Clasico atan a dinhmun a chian loh avangin Real lawm a kim chuang lo.

Kum 27 mi Mbappe hi tun season-ah hliam vangin a lo chawl zeuh zeuh tawh a, a khelh tur angin khel tam thei lo mah se, a chet ṭhat loh phah lo a, inelna hrang hrangah match 41 khelin goal 41 a khung tawh.

Hetihlai hian Real hian point 11 zetin Barca an phâk tawh lo a, La Liga-a match nga chauh khelh tur awm tawhah, chhiarkawp danin Real hi la champion thei mah se Barca result-ah an innghah tel a ngai tawh. Hetichung hian Los Blancos hian chetsual an chin avangin an beiseina neihchhun a thamral mek a, tun season-ah nomawi an chawi a rinawm tawh loh.