Jerry Mawia a inlan ve ta

Thawhlehni zan Indian Super League inkhelah Jerry Mawihmingthanga a inlan ve ta a, Mizo forward inlan zanah a club khelhna East Bengal chuan 3-0 in a club hlui Odisha FC an hneh.

East Bengal tan hian Bipin Singh chuan goal hmahruai khungin, Youssef Ezzejjari chuan goal hnih a khung bawk - Spanish striker goal khung pakhat chu Jerry-a thawhchhuah a ni.

Jerry Mawia hian season ṭan dawn khan East Bengal hi a zawm a, hun engemaw chen squad-ah pawh a awm loh hnuin, Thawhlehni zanah squad-ah a tel a, bench aṭanga luhtir niin, a khel pawh a nung vet vet hle.

Kolkata club tan hian Edmund Lalrindika chuan inkhel bul ṭanin, striker David Lalhlansanga pawh bench aṭanga luhtir a ni. Odisha tan K. Lalṭhathanga (Puitea), K. Lalrinfela leh Vanlalzuidika ten inkhel bul an ṭan thung.