BR Studio-ah Inter Village Football

BR Studio chuan Aizawl DFA aṭangin MBOCWWB Inter Village Football Tournament an lei a, round of 32 thleng khan a thlawn vekin BR Studio YouTube channel-ah an pe chhuak.

Inkhel live telecast tur hian sum sen tur a tam a, senso phuhruk nan inkhel en man aṭanga sum an lakluh hi BR Studio tan a pawimawh. BR Studio-a membership nih man hi Rs 199 a ni a, final thlengin a en theih vek dawn.

BR Studio hian MFA hnuaia futsal inelna hrang hrangte a pekchhuak tawh ṭhin a, infiamnaa Mizoramin hma a sawn theih nan an thawh hlawk. Tualchhung football ngainatute tan membership man lei a, an channel subscribe sak hi infiamna atana sum thehchhuaktu BR Studio puih theihna ṭha tak a ni.