Sesko-a'n Carrick cham turin a duh

Manchester United striker Benjamin Sesko chuan manager lailawk Michael Carrick chu team enkawl chhunzawm tura a duhthu a sawi. United hian an match hnuhnung berah Brentford an hneh a, Champions League khel turin point hnih chiah an mamawh tawh.

Slovenian forward Sesko chuan, "Vawi tam tak ka sawi tawh a, manager ṭha tak a ni. Chakna thar a rawn keng tel a, training-naah a ṭha em em bawk. Min enkawl zel turin ka duh a ni," tiin a sawi.

Sesko hian Brentford an hneh ṭum hian goal a khung a, tun season Premier League-ah goal 10 a khung tawh. Slovenian forward hian January-a Ruben Amorim an ban hnuah league-ah goal riat a khung a, FA Cup-ah goal khat a khung bawk.

Manchester United hian May 3, Pathianni zan dar 8:00 hian Liverpool an hmachhawn dawn a, hnehna an chang a nih chuan season tharah Champions League an khel ang.