Ipswich tan match khat chak a la ngai

EFL Championship inkhelah Thawhlehni zan khan Ipswich Town chuan, an mikhualna ramah 2-2 in Southampton an inhnehtawkpui a, Premier League kai turin match khat dang an nghah a la ngai.

St Mary's Stadium, Southampton-a inkhelah Ipswich tan Wes Burns-a'n minute 48-naah hmahruaina goal khung mah se, minute sawm hnu lawkah Ryan Manning-a'n Saints tan sut.

Saints tan Cyler Larin-a'n minute 80-naah an hmahruaina goal khung ve leh mah se, Jack Clarke-a'n minute 87-naah sut vein team pahihten point an insem.

Championship club zingah Frank Lampard-a enkawl, Coventry chiahin EPL an la inpetkai a, Ipswich hian Coventry hnung zui tumin theihtawp chhuah mah se an chak zo lo.

Ipswich hian an match hnuhnung berah QPR an hmachhawn dawn a, an hnuai chiaha awm Millwall-in an la lehpelh theih avangin, playoff khelh ngai loa Premier League kai an duh chuan chak mai a finthlak zawk ang.