Blazers hnehtu Spurs an tlang

NBA playoff khelh mekah nimin zing khan San Antonio Spurs chuan 114-95 in Portland Trail Blazers an hneh a, 4-1 a chak zawkin Oklahoma City Thunder hnua round 2 kai leh hmasa ber an ni.

Frost Bank Center, San Antonio-a inkhelah Spurs an chungnung tluan zak a, first quarter-ah 36-24 in hma an hruai a, a tir aṭangin an phur nghal hle. Second quarter-ah Spurs player te kut a kal chhunzawm a, ann in thlauhna point 20-in an tizau a, 65-45 in halftime an hmang.

Second half-ah pawh Blazers-in hma an sawn thei lo a, Spurs-in inkhel an thunun chhunzawm a, 86-65 in third quarter-ah hma an hruai. Fourth quarter-ah Blazers-in point 30 zet score mah se, an harhchhuak tlai a, quarter danga hnufual zawk an nihna chu tuarin a tlawm zawkah an ṭang.

Spurs tan Victor Wembanyama leh De'Aaron Fox te an langsar fal a, Fox hian point 21 neiin a score hnem ber a, Wemby hian point 17 score-in rebound vawi 14 zet a la bawk. Anni bakah hian player pali laiin point 10 an score tling a, Spurs chak nan an ṭangkai takzet.

Blazers tan Deni Avdija a vul a, point 22 neiin point a ngah ber a, Avdija hi a ṭhianten theihtawp chhuahin thlawp mah se, an vanduai ṭum an tawng a, Spurs hneh nan a tawk lo.

Game 2-ah Spurs hi game 2-ah chak lo zeuh mah se an hnual phah lo a, Victor Wembanyama lo kir hnuah an ṭha lehzual a, Blazers-in an ngam lo. Spurs hian playoff round 2-ah Denver Nuggets leh Minnesota Timberwolves-a chak zawk nen an inhmachhawn leh ang.