Palace-in Henderson thlun ngheh tum

Crystal Palace chuan an goalkeeper Dean Henderson chu, kum hnih daih contract la nei mah se inremna neihpui an tum a, Selhurst park-ah hun rei zawk atan thlun ngheh an tum

England international hi July 2028-ah a tawp dawn a, Mahse club hotuten kum khat chauh contract a neih hun nghah chu, club dang an inrawlh a hlauhawm tih hriain, Henderson nen contract thar chungchangah inbiakna an nei tawh.

Henderson hian August 2023-a Manchester United atanga, pound maktaduai 20-a palace a zawm khan kum nga daih contract a ziak a, tunah hian kar khatah pound 100,000 a hlawh mek a, Eagles player zingah hlawh hnem ber pawl a ni. Henderson hian contract thar a ziak dawn a nih chuan, hlawh tam zawk a phut ngei a rinawm.

Kum 29 mi Henderson hi Marc Guehi-an Manchester City a zawm hnu khan captain-ah ruat a ni a, FA Cup final-a Manchester City laka a chet ṭhat em avangin Palace ṭantuten an ngainat phah hle. Crystal Palace tan vawi 108 a inlan tawhin vawi 37 zet chu clean sheet a nei tawh.

Eagles hian zanin dar 12:30-ah Conference League semifinal khel turin, Ukrainian club Shakhtar Donetsk chu an lo mikhual dawn a, Palace hi champion tura rinkai zinga mi an ni a, nomawi chawina hun ṭha a nih avangin bawhpelh an duh dawn lo. Henderson pawhin bul a ṭan leh ngei a rinawm.