Engmawia chet ṭhat Highlanders tan a tawk lo

Mizo rawlthar Laleng-mawia chu Emerging Player of the Match-ah thlan ni mah se NorthEast United a chakpui zo lo a, Nilaini zan khan Indian Super League inkhelah Bengaluru FC chu 2-0 in an ngam lo. 

Guwahati khawpuia inkhelah Bengaluru-in inkhel an thunun zawk a, mahse Manipur winger Udanta Singh chuan an chance neih ṭhat ber chu goal-ah a chantir thei lo. Ashique Kuruniyan hnena a ball hmuh ṭha tak chu Udanta hian goal-a chantir theihna remchang a nei a, mahse goal ruakah tauh lut loin crossbar a tauh per!

Mahse, Bengaluru an vanduai reng lo. Sunil Chhetri chuan minute 68-naah penalty hmangin goal hmahruai a khung a, Albert Serran chuan minute 81-naah chhunzawm ve lehin a tawpah 2-0 in Bangalore club hi an chak.  Highlanders tan hian K. Lalṭhathanga bakah Lalengmawia chuan inkhel bul a ṭan bawk a, an club erawh an chakpui zo ta lo a ni - FIFA Under 17 World Cup-a India tan pawha lo inlan tawh Engmawia hi ISL-a a inlan hmasak ber a ni.