Dinthar tan Samuel Laltlanthanga

Dintharin MBOCWWB ADFA Inter Village Football Tournament quarterfinal lut turin harsatna an tawk lo a, nimin tlai khan Darlawng 4-0 in an sawp. Coach Lalchhuanawma (LCh-a) kaihhruai team tan tawnhriat nei ṭha Samuel Laltlanthanga'n goal hnih khungin man of the match-a thlan a ni.

RG Stadium-a inkhelah Dintharin bul an ṭan ṭha a, minute kuana lekah Lallawmawma'n a khung a, awmna tur dika a awm bakah goal hmaah a rilru a fim tel bawk. Samuel-a'n minute 32-naah penalty aṭangin a khung a, Dinthar captain hian minute 74-naah a thiam thil pholangin mawi zeta 'kick feint' hmanga defender a bum hnuah kawh zetin a ke chhip lut.

Dinthar tan Nicholas Vanlalhmangaiha'n minute 86-naah Nicholas Vanlalhmangaiha'n chak nemnghetna goal a khung a, Darlawng lakah 4-0 in hnehna an chang.