Gokulam dinhmun a ṭha lo

Indian Football League-ah Kerala club ṭha Gokulam Kerala-in relegation round an khel a; Malabarians hian an elpui Real Kashmir an hmachhawn a, 3-0 in an chak lo. Relegation round hi Deccan Arena-ah khelh a ni a, IFL aṭangin point hniam ber an relegate dawn.

April 30, Ningani zan inkhelah inhnehtawk viau mah se minute 31-na lekah Gokulam defender Bouba hnawhchhuah a ni a, Real Kashmir-in an tam zawkna an hmang ṭangkai. First half-ah Vitor Hugo Encarnacao Freitas hmanga goal an khung hnuin second half-ah Shedrack Charles leh Mohammad Inam ten an khung belh.

Real Kashmir-in point thum an hlawh chhuak a, Gokulam erawhin point riat chiah an hmu a, table mawngphaha awm Namdhari nen an inthlauhna chu point khat chauh a ni. Kerala club hian May 5, Thawhlehni zan hian Aizawl FC an hmachhawn ang.